Te na e momentu aki nunka a hasi investigashon profundo di nos historia humano lokal, kua a kuminsá 5000 aña pasá. Pa prevení fragmentashon di nos memoria kolektivo, mester hasi hopi investigashon i lo mester konservá elementonan históriko manera ekspreshonnan kolonial i nos kuenta- i héroenan. Den e kuadro aki na 2005 NAAM a fórmula e Protocol of Research Priorities for Cooperation (protokòl pa koperashon den prioridatnan pa investigá), kua a keda firmá pa Nationaal Archief van Curacao,, NAAM i NinSee, Nederlands Kenniscentrum Slavernijverleden: sentro Hulandes pa konosementu di pasado di sklabitut).
 
Akuerdo di koperashon internashonal
Resientemente a firma un internationaal samenwerkingsverdrag (akuerdo di koperashon internashonal) entre NinSee, (Amsterdam), NAAM (Kòrsou) , Universidad del Valle (Cali, Colombia) i Universidad Claretiana (Quibdo, Colombia). E akuerdo aki a wòrdu fórmula pa e proyekto investigatorio From Curacao to the Caribbean in Colombia: the Dutch slave trade, crossing point between South America and the Caribbean (Di Kòrsou pa Karibe na Colombia: komersio di katibu Hulandes, krusada entre Suramérika i Karibe).
 
Proyekto- i fasilidatnan
Ounke ku espasio den e edifisio di NAAM ta limitá, investigadónan, sientífikonan i otro interesadonan ta semper bonbiní pa bin hasi investigashon òf hasi uso di e biblioteka. Pa mas informashon por tuma kontakto ku NAAM.