|
|
 |
|
Tokante NAAM > Mishon
Nos mishon
Pa plama konosementu di historia i herensha kultural – tantu material komo inmaterial- di Boneiru, Kòrsou, Saba, St. Eustatius i St. Maarten i fortifiká identidat kultural di nan poblashonnan den un perspektiva Karibense.
Nos tareanan
Banda di e tareanan tradishonal di un museo, ku ta inkluí konserbashon i dokumentashon di kolekshonnan arkeológiko i antropológiko, NAAM ta traha tambe riba maneho di rekursonan kultural. Esaki ta enserá:
- identifikashon i registrashon i ponementu riba mapa di sitionan na peliger
- investigashonnan arkeológiko i antropológiko
- produkshon di materialnan edukativo pa skolnan i pa kurso
- konseho i servisionan pa stipuladónan di maneho i profeshonalnan tokante salvaguardia, legislashon i maneranan pa enrikesé nos memoria kultural kolektivo.
Nos filosofia
NAAM su filosofia ta basá riba e siguiente konseptonan:
- Kultura
- Desaroyo duradero
- Identidat
- Herensha kultural
- Kooperashon i interkambio
|
|
|
|
|
Nos definishon di kultura
Siguiendo e puntonan di salida di UNESCO (United Nations Educational, Scientific and Cultural Organization) nos ta definí kultura komo:
E karakterístikanan spiritual, material, intelektual i emoshonal ku ta distinguí un komunidat òf grupo.
Esaki ta inkluí tantu ekspreshonnan artístiko komo literatura, derechonan humano fundamental, balornan, tradishonnan i religionnan
Nos atenshon spesial ta bai na e papel esensial di kultura pa identidat di un sosiedat òf grupo sosial, spesialmente pa region-, pais- i gruponan di poblashon den desaroyo
Herensha kultural ta forma un parti esensial den kultura di un sosiedat.
Kiko ta herensha kultural?
Herensha kultural ta inkluí e artefaktonan i memorianan kolektivo di un sosiedat, komo fuentenan esensial di su historia, kultura i identidat. |
|
|
|
|