NAAM ta e sentro vibrante di rekursonan kultural na Willemstad, Kòrsou (Karibe) NAAM ta para pa “National Archeological - Anthropological Memory Management”. Na aña 1998 el a kuminsá komo un museo i NAAM a krese bira un organisashon dinámiko, ku ta hasi esfuerso pa manehá rekursonan kultural den e sentido mas amplio di e palabra.

Banda di ta un museo, ku tin un depósito tambe, NAAM ta e motor tras di hopi inisiativa pa promové maneho, koperashon nashonal i internashonal, atkisishon di konosementu, komprenshon i embolbimentu relashoná ku asuntunan riba tereno di patrimonio karibense.

 

E website ta ofresé informashon tokante tur aspekto di NAAM, di su mishon i filosofia, te ku e struktura organisatorio, su aktividatnan i e servisionan ku e ta brinda e poblashon lokal. Den e sekshon ‘Publikashon’ bo por wak i download resultadonan di aktividatnan di NAAM den área di desaroyo di maneho, investigashon i enseñansa. Nos ta spera ku lo bo ta haña e informashon riba e website aki interesante i ku lo e stimulá bo pa – na bo manera – bo kontribuí na protekshon i e plaser di loke ta uni nos komo un komunidat karibense: e patrimonio ku nos ta kompartí.