National Archaeological and Anthropological Memory Management Foundation – NAAM – na Kòrsou, ta un organisashon sin mira i lukro, komprometí na konservashon i identifikashon di herensha kultural – tantu material komo inmaterial – di Boneiru, Kòrsou, St. Maarten, den un perspektiva Karibense. 
Gobièrnu Sentral di Antia Hulandes (na 1998) a funda NAAM komo susesor di AAINA (Archaeological- Anthropological Institute of the Netherlands Antilles). 
Profilando komo “mas ku un museo”, den kurso di tempu NAAM a logra desaroyá bira un instituto, trahando ampliamente riba dokumentashon, restourashon i enrikesimentu di nos memoria kolektivo. Pa e motibu ei for di  2008 e lèter M den NAAM su nòmber no ta para mas pa “Museum” (museo) pero pa “Memory Management” (Maneho di memoria).