Inisiativanan riba tereno di edukashon ta okupá un lugá prominente den NAAM su skema di aktividat anual i ta inkluí:

1. Aktivididatnan pa informá pueblo general:

• Publikashon di (serie di) artíkulonan den korantnan lokal, pa trese dilanti sitio i artefakto di herensha kultural i diskutí tópiko aktual di herensha manera benta i otro instrumènt di muzik, spiritunan Afrikano tras di masker katóliko, e monumento bibu Fort Beekenburg i e banda Tanny and the Boys di St. Maarten.
• Organisashon di seminar, charla i serie di lektura tokante un selekshon variá di tema, pa stimulá konsientisashon i konosementu di nos herensha kolektivo entre un públiko amplio.
• Desaroyo i organisashon di eksposishon riba temanan selektá, manera e eksposishon Free ports of the Caribbean, Curacao and Statia: un ekshibishon, brindando un interpretashon di bida den e hafnan floresiente di Kòrsou i Saba den siglo 18 i promé parti di siglo 19. Pa un bista kompleto di ekshibishonnan di NAAM, chèck e sekshon ekshibishonnan.

2. Organisashon di kursonan pa desaroyo di perisia:
Organisashon di charla i presentashon pa institutonan di herensha, ámtenar i kompanianan tokante tema manera konserbashon, registrashon, digitalisashon i seguridat di herensha kultural.

3. Desaroyo di material edukativo pa skolnan
Desaroyo i publikashon di método di herensha kultural, manera por ehèmpel e método Tempu Tempu, di skol básiko. Den e sekshon materialnan edukativo ta presentá un bista kompleto di material edukativo, desaroyá dor di NAAM.