Herensha kultural > Mapa di herensha kultural
Mapa Kultural Históriko di Kòrsou ta un inventario digital di herensha kultural di Kòrsou. E mapa ta inkluí na total 2700 elemento di habitashon humano. E ta duna un bista kla di 5000 aña di habitashon humano, inkluyendo herensha Afrokaribense, bayendo bèk te na e periodo promé ku Columbus.
A kompilá e mapa a base di siguiente fuentenan:
- resultado di investigashon arkeológiko i antropológiko di vários sitio históriko i kultural
- mapa geológiko di Kòrsou
- vários mapa históriko, manera e mapa tipográfiko detayá di J. Werbata, for di aña 1911.
NAAM a desaroyá e Mapa Kultural Históriko di Kòrsou en kooperashon ku Amsterdam’s Bureau voor Monumenten en Archeologie (BMA) di munisipalidat di Amsterdam, Hulanda.
E ta un kontinuashon di un inventario anterior di NAAM i
Carmabi (e instituto lokal pa investigashon di naturalesa). A kompilá e inventario aki pa yega na mas komprenshon di e herensha lokal i prevení pèrdida di mas sitio valioso kultural i históriko. E mapa ta forma parti integral di e dokumento Maneho di Arkeologia Kòrsou, ku Diputado di Edukashon i Kultura a pidi pa desaroyá.
