Komo un instituto chikitu na un isla chikitu den parti sur di Karibe, pa NAAM kooperashon ta di gran importansha. Pa e motibu ei NAAM ta partner den un kantidat di ret i akuerdo kooperativo ku institutonan di herensha, tantu lokal komo di área Karibense, Latino-Amerikano i Europeo.

NAAM ta un di e tres inisiadónan di Caribbean Cultural Heritage site. E website aki tin komo ophetivo, brinda un plataforma sentral, konektando pa medio di hyperlink ku kada instituto di herensha den área Karibense, pa demonstrá mundu kuantu e region aki tin di ofresé riba tereno di tesoro arkeológiko i antropológiko.