Caribbean Cultural Heritage website ta un inisiativa huntu di museo di Boneiru (Boneiru), Biblioteka & Museo S.A.L. Mongui Maduro (Kòrsou) i NAAM (Kòrsou). E website ta fungi komo un eksposishon online di e ophetonan mas valioso di kada un di museonan partisipante. Mondriaan Stichting a patrosiná desaroyo.di e website.

Plataforma
Meta di e website ta pa konektá tur museo i instituto di herensha Karibense, sin diferensha a base di barera geográfiko, kultural i lingwístiko, pa asina por ekshibí herensha kultural di kada isla òf pais. Museo òf instituto di herensha ku no ta establesé den Karibe pero ta poseé tesoronan di nos region tambe ta invitá pa partisipá. E website aki ta un plataforma kaminda hende por sera konosí ku e variashonnan riku i kolorido di herensha Karibense i gosa di nan. E ‘tesoronan’ ku ta presentá pa medio di e website aki sigur lo yuda rebibá e memorianan kolektivo den nos region.
 
Kriterio
Pa por presentá un oferta uniforme, e website a establesé un sèt di kriterio pa yuda determiná kua opheto por klasifiká komo tesoro kultural. E kriterionan aki ta inkluí e normanan étiko manera ICOM (International Council of Museums) a stipulá eseinan.