|
|
 |
|
Kolekshonnan > Kolekshonnan arkeológiko
Pader Antonius van Koolwijk (1878 – 1880) tabata e promé persona ku a kuminsá ku investigashon arkeológiko na Kòrsou. Resultadonan di e promé investigashon arkeológiko ku pader Antonius van Koolwijk i su susesornan a hasi tabata wardá na promé instansha den e depósitonan di AAINA (prekursor di NAAM) i despues a transferí nan pa NAAM. Ta trata di kolekshonnan di Kòrsou (90%) pero tambe di e otro islanan ku tabata konstituí Antias Hulandes i Aruba.
E tesoro arkeológiko di NAAM ta konsistí di:
- Un kolekshon marítimo, inkluyendo artefakto di karga di e bapor Alphen, ku a eksplotá na aña 1778 den haf di Willemstad. Resultado di e ekskavashonnan tabata pòchi i ophetonan di glas, palu, wesu i artefakto di metal i tambe kañon, bala di kañon, moneda i otro opheto históriko.
- Un kolekshon ekstenso di artefakto i informashon tokante e periodo promé ku Columbus, ku ta sirbiendo di un base sólido pa hopi publikashon sientífiko. E kolekshon aki ta resultado di investigashon arkeológiko ku profeshonalnan manera H. van Heekeren , C. Dury , E. Boerstra i J. Haviser a hasi. E artefaktonan ta inkluí muebel i un kantidat di opheto di Landhuis Savonet, ku resientemente NAAM en kooperashon ku otro museo i organisashon a resaktá. A registrá i restourá e kolekshon promé ku a ekshibí e piesanan den museo di Savonet. I miéntras, pa rasonnan di efisiensia, vários skol lokal ta serando, NAAM a keda traha ku entusiasmo na reskate di ophetonan eksepshonal di skolnan di ántes.
- Un kolekshon di herensia di sklabitut.
|
|
|