|
|
 |
|
Kolekshonnan > Kolekshonnan antropológiko
NAAM ta poseé i mantené/konservá vários kolekshon antropológiko:
- E kolekshon Brenneker-Juliana. Esaki ta e kolekshon antropológiko mas grandi, ku mas ku 3000 artefakto, ku pader Paul Brenneker i Elis Juliana a kolektá for di kuminsamentu di añanan 1950. Ku nan pasado diferente pader Brenneker i Elis Juliana – un mucha hòmber lokal – a komplementá otro. Den kurso di añanan e dos personanan aki a kolektá un rikesa di informashon úniko. E informashon aki ta inkluí tantu un kolekshon di artefakto komo informashon inmaterial. A warda e informashon inmaterial riba kasèt i den buki di reportahe di historia oral. E artefaktonan ta inkluí opheto di kas, dokumento, opheto religioso, instrumento di muzik i obranan di arte. Na e momento aki ta ekshibí un selekshon representativo den Museo Tula i Museo Savonet. Fundashon Zíkinza a entregá NAAM e parti oudiovisual; e kolekshon remarkabel aki ta inkluí mas ku 1000 kantika i kuenta.
- E inventario di pakus di Shon We Evertsz na Otrobanda; un kolekshon di opheto di kuminsamentu di siglo 20
- Materialnan di skol di e periodo entre 1900 – 1950, inkluyendo materialnan di e skol históriko St. Thomas College
- Instrumentonan musikal ku tabata propiedat di perkushonista Benny Privania
- Trofeonan deportivo, ku e deportista lokal Eduardo ‘Beto’ Adriana a gana
- E kolekshon di 500 aña Kòrsou (Fundashon Curaçao 500)
- Kolekshon di e famoso polítiko Doktor Moises Frumencio Da Costa Gomez
- Un kolekshon di opheto lòs, inkluyendo kañon, piedra di mulina i malchi pa trahamentu di sombré.
|
|
|